IMG 2261
IMG 2261

IMG 2261

 Ես հարուստ եմ իմ կենսագրությամբ, հպարտ եմ, որ իմ ոգեշնչման չափանիշն ու աղբյուրը իմ ծննդավայրն է` Լոռին, իմ Ակներ գյուղը, Դեբեդը, Լալվարը, Կայան բերդը, խորունկ ձորերը, սեգ սարերը, Լոռվա պարզամիտ ու շիտակ մարդիկ, հանճարեղ Թումանյանի հեքիաթային, հրաշք աշխարհը:

Սուրեն Մուրադյան

Հուլիսի 25-ին Հայ Ավետարանչական ընկերակցության Հանքավանի ամառային հանգստի Շիին – Շողիկ ճամբարում տեղի ունեցավ հանդիպում հայ բանաստեղծ, մանկագիր, երգիծաբան, դրամատուրգ, Հայաստանի գրողների միության անդամ Սուրեն Մուրադյանի հետ:


Թիմային մտածողություն, ներողամտություն, արդարամտություն...

Սրանք այն առանցքային արժեքներն են, որոնք կերտում են առողջ անհատներ, ամուր ընտանիքներ և ուժեղ հայրենիք: Եթե մենք սերմերի նման ցանենք այս արժեքները մեր երեխաների սրտերում, և ինքներս էլ վերարժեվորենք դրանց կարևորությունը մեր կյանքում, կբարեփոխվի երեխայի, ընտանիքի և ողջ հասարակության կյանքի որակը:


 
Հայ Ավետարանչական ընկերակցությունն իր բարեգործական ծրագրերում մեծ տեղ է հատկացնում սահմանամերձ համայնքներին:

Այս տարի Տավուշի մարզի Չինարի և Չորաթան համայնքներում ՀՀ Արտակարգ իրավիճակների նախարարության կատարած շինարարական աշխատանքներին (ապաստարանի կառուցում, քաղաքացիական պաշտպանության ջոկատի տարածքների վերանորոգում) մեծ աջակցություն ցուցաբերելու համար, ՀՀ Արտակարգ իրավիճակների նախարարության կողմից Հայ Ավետարանչական ընկերակցությունն արժանացավ շնորհակալագրի:

Բեյրութի Հայկազյան համալսարանը Հայաստանից դուրս գտնվող հայկական միակ համալսարանն է։ Այն հիմնադրվել է 1955թ. Ամերիկայի Հայ Ավետարանչական ընկերակցության և Մերձավոր Արևելքի Հայ Ավետարանական եկեղեցիների միության կողմից: Անցած տասնամյակների ընթացքում համալսարանը օրհնության աղբյուր է դարձել Միջին Արևելքի հայ և տեղացի ժողովուրդների համար:

Առաջարկում ենք դիտել Հ2 հեռուստաընկերության «Չէին սպասում» հաղորդումը, որի շրջանակներում Հայկազյան համալսարանի նախագահ, վերապատվելի դոկտոր Փոլ Հայդոստյանը ներկայացնում է բարձրագույն կրթօջախի պատմության և գործունեության ուշագրավ փաստեր։


Հայ Ավետարանչական ընկերակցության Վանաձորի կրթադաստիարակչական կենտրոնի մանկական խմբի սաները գեղեցիկ հրաժեշտի միջոցառում էին կազմակերպել:

Դպրոց գնալու նախաշեմին թվով 21 մանուկներ ներկայացրին այն, ինչ սովորել էին մանկական ավագ խմբում` տառեր, թվեր, ռուսերեն բեմադրություն, երգ, պար:

Միջոցառմանը ներկա էր նաև ԱՀԱԸ Հայաստանի մասնաճյուղի տնօրեն Հարութ Ներսեսսյանը: Պրն Ներսեսսյանը, շնորհավորելով փոքրիկներին, նրանց մաղթեց անհոգ ու խաղաղ մանկություն:


Հուլիսի 11-ին Երևանի «Շող» ցերեկային կենտրոնի աշխատակազմը հյուրընկալվել էր ԱՀԱԸ կենտրոնական գրասենյակում՝ մասնակցելու թրեյնինգի, որի նպատակն է այսուհետ ցերեկային կենտրոնի երեխաների հետ աշխատել հատուկ մանկական քոուչինգ ծրագրով: Թրեյնինգը վարում էր ԱՀԱԸ Սոցիալական ծրագրերի բաժնի ղեկավար, անհատական զարգացման քոուչ Քրիստինա Սիմոնյանը:

Թրեյնինգի թեման էր «Մտքի ուժը», որի նպատակն է զվարճալի պատմությունների միջոցով երեխաներին մատչելի ձևով փոխանցել մարդու մտքի գործունեության այնպիսի բացառիկ հմտություններ, որոնք կիրառելով երեխաները կկարողանան կառավարել սեփական ներուժը և հաջողությամբ կերտել իրենց կյանքը: Մատուցվող ուշագրավ նյութը, դերային խաղերը և կենտրոնի աշխատակազմի ակտիվ ներգրավվածությունը ստեղծել էին հետաքրքիր ու ստեղծարար մթնոլորտ:


Նոր գիտելիքների ձեռքբերումը առավել հեշտ եւ հետաքրքիր է, երբ ուսուցման մեթոդը ոչ միայն տեսական է, այլ նաեւ գործնական: Քիմիական ռեակցիաները առօրյա կյանքի մի մասն են: Մարդը «բախվում է» քիմիական ռեակցիաների արգասիքների հետ գրեթե ամեն քայլափոխին, բայց դժվար թե մտորում է այդ մասին:

Այս ամենը կարևորելով՝ կենտրոնում երեխաների համար կատարվում են քիմիական փորձեր, որոնք նաև նպատակ ունեն երեխաների մոտ առաջացնել սեր քիմիա առարկայի նկատմամբ: Երեխաների մեծ մասը դեռևս դպրոցում քիմիա չի անցնում, բայց փորձերի միջոցով այնքան հետաքրքրվածություն է առաջանում նրանց մոտ, որ իրենք էլ են առաջարկում տարբեր փորձեր անել և սա իհարկե ամենակարևոր խթանն է առարկան լավ ուսումնասիրելու և սովորելու համար:


Ամերիկայի Հայ Ավետարանչական ընկերակցությունը հայտարարում է մրցույթ Սոցիալական ծրագրերի բաժնի պատասխանատուի օգնականի հաստիքի համար։

Հասցե՝ ք. Երևան, Բաղրամյան 18։

Հայտարարությունը բաց է սկսած 07.07.2017թ.-ից

Դիմելու վերջնաժամկետ՝ 25.07.2017

 



Խորեն և Շուշանիկ Ավետիսյանների անվան կրթահամալիրի մասին խոսելիս դժվար է չնշել այն փաստը, որ այն հետամուտ է ամբողջական (հոլիստիկ) կրթությանը:

Հենց այս կրթական քաղաքականության հիմքում էր ընկած ս/թ հունիսի 26-28-ին կրթօջախում տեղի ունեցած հոգեբանասոցիալական հմտությունների զարգացմանն ուղղված սեմինարը, որը վարում էր փորձառու մանկավարժ և կյանքի հմտություններ դասավանդող ուսուցիչ Սալբի Ներսեսյանը: Սեմինարին մասնակցեց Ավետիսյան կրթահամաիլիրի ողջ ուսուցչակազմը:


Խստությունը մաթեմատիկայում նախևառաջ նշանակում է բարեխղճություն և պարզություն:
Լիպման Բերս

Բոլորս էլ գիտենք, որ մաթեմատիկան համարվում է բոլոր գիտությունների թագուհին, և նույնքան էլ անժխտելի է, որ դեռևս դպրոցական առաջին տարիներից երեխաների մեծ մասը սկսում է չսիրել այս առարկան: Բազմաթիվ պատճառներ կարելի է գտնել երեխաների վերաբերմունքը հասկանալու համար, սակայն դրանց մեջ առաջնայինը մնում է առարկան չհասկանալը, որն էլ երեխայի մոտ առաջ է բերում հիասթափություն: Մաթեմատիկան երեխաներին ամեն անգամ ստեղծագործաբար մատուցելու համար մանկավարժը պետք է լինի հմուտ, ունենա արվեստագետի նրբաճաշակություն և ստեղծագործականություն, որպեսզի դասը հասանելի ու հետաքրքիր դարձնի բոլորի համար: Այս առարկան մշտապես պահանջում է ինքնատիպ լուծումներ: