Վանաձորի Հայաստանյայց Ավետարանական եկեղեցին հոգենորոգ ակնածանքով և սպասումով դիմավորեց և տոնեց Սուրբ Ծնունդն ու Ամանորը: Հինգ միջոցառումների ընթացքում, որին մասնակցում էին ավելի քան 1400 մարդ, ավետեցին Սուրբ Ծննդյան բարի լուրը, օրվա խորհրդին համահունչ ներկայացրին գեղեցիկ բեմադրություն, հնչեցին փառաբանության երգեր, ներկայացրին պարային համարներ, իսկ վերջում, անակնկալ նվերներ 800 երեխաների համար` Ավետարանչական Ընկերակցության կողմից:

Կարդալ ավելին

Մեզ համար մի մանուկ ծնվեց, մի որդի տրվեց մեզ, որի իշխանությունն իր ուսերի վրա պիտի լինի. նա պիտի կոչվի Սքանչելի, Խորհրդակից, Հզոր Աստված, Հավիտենականության  Հայր, Խաղաղության Իշխան:

Հին Կտակարան, Եսայի 9. 6


Նորից Նոր տարի է:

Դա նշանակում է նվերների փնտրտուք, անակնկալների փաթեթներ տոնածառի տակ, տոնական սեղաններ, տոնական հաղորդումներ հեռուստացույցով եւ այլն եւ այլն:

Տե՛ր Աստված, ինչո՞ւ են բոլորը սիրում Նոր տարին:

Ասում են, որ Նոր տարին ամենահուսավառ, հմայիչ եւ խորհրդավոր տոնն է: Թե ի՞նչն է հմայիչ, խորհրդավոր, չգիտեմ: Նույն տոնածառը, նույն խաղալիքները, վառված մոմերը:  Բայց` ոչ: Նոր տարին կարող է լինել խորհրդավոր: Եվ ահա թե ինչու:

Կարդալ ավելին


Ամերիկայի Հայ Ավետարանչական ընկերակցության Գյումրու գրասենյակի և Գյումրու Հայ Ավետարանական Եկեղեցու թատերական խմբակը ռեժիսոր Վազգեն Թորոսյանի ղեկավարությամբ հունվարի 12-ին և 13-ին Գյումրի քաղաքի շուրջ 1000 երեխայի համար պատրաստել էր Սուրբ Ծննդյան միջոցառում՝ ներկայացում «Տոնական ծառի աստղը» խորագրով: Ներկայացմանը ներկա էին ավելի քան 1600 մարդ:

Սա մի պատմություն էր, որտեղ փոքրիկ Արամը, որ չէր կարող քայլել, հանկարծ հայտնվում է իր նկարած հեքիաթում և հեքիաթի հերոսների հետ գնում է փնտրելու տոնական ծառի աստղը: Դա ամենափայլուն և ամենագեղեցիկ աստղն էր, որ դրվում է տոնական ծառի գագաթին ամեն տան մեջ և խորհրդանշում է, որ այդ տանը ներկա է Քրիստոսը՝ աշխարհի Փրկիչը: Արամը, աստղը գտնելով, հրաշքով բուժվում է և կարողանում է ինքնուրույն տեղադրել տոնական աստղը տոնածառի գագաթին:

Կարդալ ավելին

Սուրբ Ծնունդը Բաղրամյան 18-ում
Սուրբ Ծնունդը Բաղրամյան 18-ում

Սուրբ Ծնունդը Բաղրամյան 18-ում

Ամեն տարի, համագործակցելով Հայաստանյայց Ավետարանական եկեղեցու հետ, Ամերիկայի Հայ Ավետարանչական ընկերակցությունը կազմակերպում է Սուրբ Ծննդյան ուրախ միջոցառումներ, որոնց մասնակցում է Հայաստանի եւ Արցախի ողջ տարածքում բնակվող մոտ 10 000 երեխա։ Մանուկները, վայելելով տոնական գեղեցիկ ծրագիրը, տուն են վերադառնում նվերներով լի տուփերով:

Սուրբ Ծննդյան հանդիսությունների ընթացքում բեմադրությունների, երգերի ու հետաքրքրաշարժ խաղերի միջոցով երեխաները սերտում են Հիսուսի ծննդյան զարմանահրաշ պատմությունը, վերապրում Փրկչի գալստյան ուրախությունը: Հայ Ավետարանչական ընկերակցության ամենամյա միջոցառումների շնորհիվ Սուրբ Ծնունդը յուրօրինակ տոն է դառնում ՀՀ եւ Արցախի տարբեր քաղաքներում ու գյուղերում բնակվող անապահով ընտանիքների տասնյակ հազարավոր երեխաների համար։

Կարդալ ավելին


Ամերիկայի Հայ Ավետարանչական ընկերակցությունը հայտարարում է մրցույթ Սոցիալական ծրագրերի բաժնի պատասխանատուի օգնականի հաստիքի համար։

Հասցե՝ ք. Երևան, Բաղրամյան 18։

Հայտարարությունը բաց է սկսած 17.01.2018թ.-ից

Դիմելու վերջնաժամկետ՝ 25.01.2018

 


Կարդալ ավելին


Ամերիկայի Հայ Ավետարանչական Ընկերակցության հարյուրամյակի առիթով, 2018թ.-ի ամռանը՝ օգոստոսի 2-16-ը, Հայաստանում տեղի կունենա Հայաստանյայց Ավետարանական եկեղեցու երիտասարդների եզակի հավաքույթ: Բազում երիտասարդներ, Հյուսիսային և Հարավային Ամերիկայից, Եվրոպայից, Միջին Արևելքից և Ավստրալիայից, կմիանան Հայաստանի և Արցախի երիտասարդներին Հայրենիքում և հնարավորություն կունենան լսելու Աստծո գործի մասին, ինչպես նաև առիթ կունենան տեղում այդ գործին մաս կազմելու: Ծրագրի մի մասն է կազմում երիտասարդական հատուկ համագումարը՝ ԱՀԱԸ-ին պատկանող Հանքավանի «Շիին Շողիկ» համագումարների կենտրոնում: Այդտեղից երիտասարադները փոքր խմբերով պետք է մեկնեն երկրի տարբեր մասեր, որպեսզի շոշափելի կերպով ծառայեն, վկայեն և տարածեն Քրիստոսի սերը: Դու՛ կարող ես դրան մաս կազմել:

Կարդալ ավելին


Կիրակի, 7 Յունուար 2018-ի առաւօտ, Սուրիոյ վարչապետ երկրչփ. Իմատ Խամիս, պետական իր շքախումբին հետ այցելեց նաեւ Սուրիոյ Հայ Աւետարանական Համայնքի Համայնքապետ Վեր. Յարութիւն Սելիմեանին եւ Սուրիոյ նախագահ տոքթ. Պաշշար ալ Ասատին ու պետութեան անունով շնորհաւորեց հայ աւետարանական համայնքը Ամանորին եւ Ս. Ծնունդին առիթով։

Հանդիպումը տեղի ունեցաւ Հայ Աւետարանական Բեթէլ Եկեղեւցոյ «Փօլատեան» սրահին մէջ։

Կարդալ ավելին


Painting by Anushik Ayvazyan, Yerevan, Armenia (former AMAA sponsored child)

Որքա՜ն հարուստ է մեր մշակոյթը, պատմութիւնը, եկեղեցին եւ մեր հայրերու ստեղծագործութիւնը:

ԽՈՐՀՈՒՐԴ ՄԵԾ ԵՒ ՍՔԱՆՉԵԼԻ

Տօնական օրերու յաջորդականութեան այս հոլովոյթն ու դրութիւնը, ես իսկական օրհնութիւն կը սեպեմ:Արդէն ետին ձգած Ծննդեան վաճառականացուած կամ շահարկութեան ոլորտին շուրջ կեդրոնացած մթնոլորտը, Յունուար 6-ով ներկայացուած այս երկրորդ պատեհութիւնը հրաշալի պարգեւ մըն է մեզի աւելի լաւ ըմբռնելու այն՝ որ կը յիշատակենք, այն՝ որ պատահեցաւ եւ այն՝ միակ եւ մեծագոյն նուէրը որ «խանձարուրով փաթթուած եւ մսուրին մէջ պառկած» մարդկութեան հրամցուեցաւ:

Կարդալ ավելին


Երբ մենք մտածում ենք Սուրբ Ծննդյան մասին, նախեւառաջ վերհիշում ենք պատմություներ Հիսուսի աշխարհ գալու մասին՝ հրաշք մանուկը խանձարուրում փաթաթված, կենդանիներով շրջապատված... Մտաբերում ենք մոգերին, որ այցելեցին փոքրիկ Հիսուսին եւ բերեցին նրան նվերներ՝ ոսկի, կնդրուկ եւ զմուռս։

Մենք խորհում ենք այն «եթերային» պատմության մասին, որում հովիվներն արածեցնում էին իրենց գառներին Պաղեստինի բաց դաշտերում, եւ հրեշտակները երկնքից Փրկչի ծննդյան Բարի լուրն էին ավետում նրանց։ Բոլոր այս Աստվածաշնչյան պատմությունները գեղեցիկ են եւ կարեւոր պատգամ ունեն մեզ համար։

Կարդալ ավելին


Շարունակելով նախորդ տարիների բարի ավանդույթը՝ մեր սիրելի կամավորները պատրաստեցին Ամերիկայի Հայ Ավետարանչական ընկերակցության ջանքերով Հայաստան բերված Սուրբ Ծննդյան նվերներով լեցուն ավելի քան 10 հազար տուփեր, որոնք կբաժանվեն Հայաստանի եւ Արցախի ամբողջ տարածքում բնակվող անապահով ընտանիքների երեխաներին։

Հատուկ շնորհակալություն Նելսոն Ռանդոլֆին եւ Ալ Ջիբիլյանին՝ նվերների ձեռք բերման, Հայաստան փոխադրման եւ փաթեթավորման ամբողջ գործընթացը կազմակերպելու համար։

 

Կարդալ ավելին