«Այն գիրքն է լավը, որը բացում ես ակնկալելով և փակում` հարստացած»:
Վ. Օլքոթ (Անգլիացի պատմաբան-աստղագետ)

Հայաստանում փետրվարի 19-ը նշվում է որպես գիրք նվիրելու օր: Անմասն չմնալով տոնական ծրագրերից` Հայ Ավետարանչական ընկերակցության Վանաձորի գրասենյակի կրթադաստիարակչական կենտրոնի սաներն այցելեցին Վանաձորի «Շող» ցերեկային կենտրոն:

Կարդալ ավելին


ՀՀ Երկրապահ Կամավորականների Միության վարչության նախագահ, Արցախի հերոս, գեներալ-լեյտենանտ Մանվել Գրիգորյանը Հայոց բանակի 26-ամյակի կապակցությամբ և Երկրապահ կամավորական միության ծրագրերի իրականացմանը գործուն աջակցություն ցուցաբերելու համար Հայ Ավետարանչական ընկերակցությանը պարգևատրեց ԵԿՄ ՊԱՏՎՈԳՐՈՎ, որը հանձնվեց ԱՀԱԸ Հայաստանի ներակայացուցիչ Հարութ Ներսեսսյանին։

ԱՀԱԸ Արցախի ներկայացուցիչ, Հայաստանի մասնաճյուղի գործերի կառավարիչ Արսեն Մանասյանը Հայոց բանակի կազմավորման 26-ամյակի, ՊՆ 5-րդ մոտոհրաձգային կամավորական բրիգադի 25-րդ տարեդարձի կապակցությամբ ԵԿՄ  նախագահի հրամանագրով պարգևատրվեց ՀՀ ԵԿՄ  «5-րդ բրիգադ 25 տարի» հոբելյանական մեդալով:

Կարդալ ավելին


Ամերիկայի Հայ Ավետարանչական ընկերակցությունն առաջնահերթ է համարում ուսուցողական սեմինարների կազմակերպումը, մշտապես աջակցում է երիտասարդ ընտանիքներին ստանալ մասնագիտական գիտելիքներ, կարևորում է  ծնողների տեղեկացված և կրթված լինելը:

Ս․ թ․ հունվարի 31-ին Ամերիկայի Հայ Ավետարանչական ընկերակցության Երևանի Արաբկիր թաղամասի գրասենյակում կազմակերպվել էր հերթական սեմինարը «Վաղ տարիքի երեխաների զարգացման առանձնահատկությունները» խորագրով, որին մասնակցում էին «Մանկական սնունդ» ծրագրի ծնողներ:

Կարդալ ավելին


Վանաձորի «Շող» ցերեկային կենտրոնի աշխատակազմին տրվեց բացառիկ հնարավորություն՝ մասնակցելու մի շատ հետաքրքիր և ուսուցողական թրեյնինգի, որը վարում էր ԱՀԱԸ Սոցիալական ծրագրերի բաժնի ղեկավար, անձնային զարգացման քոուչ Քրիստինա Սիմոնյանը, ով նաև «Արկածներ իմաստության հետ» քոուչինգ ծրագրի ներդրողն է ԱՀԱԸ-ում:

Կարդալ ավելին


Հունվարի 30-ին ԱՀԱԸ Գորիսի գրասենյակի «Քայլ առաջ» ցերեկային կենտրոնի սաները և ողջ անձնակազմը հյուրընկալվեցին Գորիս քաղաքի հարակից  զորամասերից մեկում՝ միասին տոնելու Հայոց բանակի կազմավորման 26-ամյակը:

Շարային հրապարակում երեխաներին դիմավորեցին զորամասի հրամանատարը և զինվորները: Երեխաները նույնպես զինվորական կարգով շարվեցին հրապարակում, ողջունեցին հրամանատարին ու զինվորներին: Այնուհետև ներկաներին ողջունեց Ամերիկայի Հայ Ավետարանչական ընկերակցության Գորիսի գրասենյակի պատասխանատու՝ վեր. Սարգիս Օչինյանը: Նա նույնպես շնորհավորեց բոլորին. զինվորներին մաղթեց խաղաղ և անփորձանք ծառայություն, իսկ երեխաներին՝ սիրել ու պաշտպանել հայրենիքը:

Կարդալ ավելին


Ամերիկայի Հայ Ավետարանչական ընկերակցությունը մեծ ներդրում է ունեցել ինչպես Հայաստանի, այնպես էլ Արցախի հազարավոր զավակների կրթական, մշակութային, մտավոր, հոգևոր վերելքի համար: Մեծ ուրախությամբ ներկայացնում ենք արցախցի մարզիկ, ԱՀԱԸ սան Արմեն Էդուարդի Հայրապետյանին:

Արմենը ծնվել է 1994թ. սեպտեմբերի 17-ին Ստեփանակերտում` բազմազավակ ընտանիքում: ԱՀԱԸ արցախյան գործունեության առաջին իսկ օրվանից Արմենի ընտանիքն ընդգրկվել է Ավետարանչականի սոցիալական ծրագրերում:

Կարդալ ավելին


Ավարտվեց 2018 թվականի ՀՀ շախմատի բարձրագույն խմբի առաջնությունը: Կանանց միջազգային վարպետ, Ամերիկայի Հայ Ավետարանչական ընկերակցության սան Սիրանուշ Ղուկասյանը 2-րդ տարին անընդմեջ հռչակվեց Հայաստանի փոխչեմպիոնուհի։

Մրցաշարի հաղթողի կոչումը նվաճեց կանանց միջազգային գրոսմայստեր Մարիա Կուրսովան։ Բրոնզե մեդալը բաժին հասավ ԿՄԳ Լիլիթ Գալոյանին:

Սրտանց շնորհավորում ենք Սիրանուշին իր հաջող ելույթի և նվաճած պատվաբեր մրցանակի՝ Հայաստանի կանանց առաջնության արծաթե մեդալի առթիվ։ Համոզված ենք, որ լավագույն հաղթանակները դեռ առջևում են։

«Ուրախ կլինենք, եթե ՀՀ կանանց ազգային հավաքականի կազմում տեսնենք նաև կանանց միջազգային վարպետ Սիրանուշ Ղուկասյանին, քանզի պատանի շախմատիստուհին իր ելույթներով արդեն 2-րդ տարին անընդմեջ ապացուցում է, որ արժանի է տեղ զբաղեցնելու հավաքականի կազմում»․ գրում է haymedia.am-ը:

Առաջարկում ենք կարդալ Սիրանուշ Ղուկասյանի՝ «Հայոց Աշխարհ» օրաթերթին տված հարցազրույցը։

Կարդալ ավելին


Հայտարարվում է մրցույթ «Հայ կրթություն» կրթական հիմնադրամում (Ավետիսյան դպրոց) գործավարի թափուր տեղի համար, ցանկալի է՝ տնտեսագետի որակավորմամբ:

Հայերեն, անգլերեն և ռուսերեն լեզուների իմացությունը պարտադիր է:

Համակարգչային հմտություններ՝ Word, Excel:

Ինքնակենսագրությունն (CV) ուղարկել Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային փոստին՝ 22.01.2018-01.02.2018թթ.

Կարդալ ավելին


2018թ. հունվարի 19-ին Արցախի Հանրապետության Ասկերան քաղաքի Հայ Ավետարանչական ընկերակցության գրասենյակում տեղի ունեցավ «Շող» ցերեկային կենտրոնի բացման պաշտոնական արարողությունը:

Օրը տոնական էր: Կենտրոնի բացմանը ներկա էին Ասկերանի քաղաքապետ Սամվել Աղաջանյանը, Ասկերանի շրջվարչակազմի աշխատակազմի կրթության բաժնի վարիչ Կառլեն Մայիլյանը, ԱՀԱԸ Հայաստանի ներկայացուցիչ Հարութ Ներսեսսյանը, ԱՀԱԸ Արցախի մասնաճյուղի տնօրեն Արսեն Մանասյանը, Հայ Ավետարանչական ընկերակցության աշխատակիցներ, ծնողներ:

Երեխաները հյուրերին դիմավորեցին աղ ու հացով։ Նորամուտի ժապավենը կտրելուց հետո, հյուրերը ծանոթացան կենտրոնի պայմաններին:

Կարդալ ավելին


Վանաձորի Հայաստանյայց Ավետարանական եկեղեցին հոգենորոգ ակնածանքով և սպասումով դիմավորեց և տոնեց Սուրբ Ծնունդն ու Ամանորը: Հինգ միջոցառումների ընթացքում, որին մասնակցում էին ավելի քան 1400 մարդ, ավետեցին Սուրբ Ծննդյան բարի լուրը, օրվա խորհրդին համահունչ ներկայացրին գեղեցիկ բեմադրություն, հնչեցին փառաբանության երգեր, ներկայացրին պարային համարներ, իսկ վերջում, անակնկալ նվերներ 800 երեխաների համար` Ավետարանչական Ընկերակցության կողմից:

Կարդալ ավելին