Դեկտեմբերի 13 2016 Բաժինը՝ Լուրեր

Թափոնների կառավարում


Խորեն և Շուշանիկ Ավետիսյանների անվան դպրոցում անցկացվեց բնապահպանությանը նվիրված համադպրոցական միջոցառում` «Աղբի դատավարությունը» թեմայով: Այն սկսվեց Էքզյուպերիի հանրահայտ տողերով. «Առավոտյան հենց որ արթնանաս, լվացվես ու քեզ կարգի բերես, պետք է կարգի բերես նաև քո մոլորակը»: Ապա 10-րդ դասարանի աշակերտները հրաշալի ներկայացրին դատավարությունը` մարմնավորելով «մեղադրյալ աղբին», դատավորին և վկաներին: Աղբը արդարացրեց իրեն` մատնանշելով մարդկանց անտարբերությունն ու անխնա վերաբերմունքը բնության նկատմամբ:

Միջոցառման հաջորդ մասում 9-րդ և 11-րդ դասարանների միջև անցկացվեց տեսանյութերի մրցույթ` «Տեսակավորենք աղբը, որ ապրենք մաքուր քաղաքում» խորագրով:

Այս հետաքրքրական միջոցառման ավարտը նույնպես յուրահատուկ էր. դպրոցի  կրտսեր և միջին օղակների սաները աղբի թափոններից նախապես պատրաստել էին ինքնատիպ, նույնիսկ կենցաղում կիրառելի իրեր, որոնք ցուցադրված էին այսպես կոչված «Աղբի թանգարանում» և միջոցառման մասնակիցների կողմից գնահատվեցին ըստ անվանակարգերի:

avedisianschool.am