Մայիսի 29 2017 Բաժինը՝ Լուրեր

ԱՀԱԸ ԳՈՐԾԱԴԻՐ ՏՆՕՐԵՆ ԶԱՎԵՆ ԽԱՆՋՅԱՆԸ ՀԱՆՐԱՊԵՏՈՒԹՅԱՆ ՏՈՆԻ ԱՌԻԹՈՎ ԱՐԺԱՆԱՑԱՎ ՀՀ ՆԱԽԱԳԱՀԻ ՊԱՐԳԵՎԻՆ


Մայիսի 28-ին, ՀՀ Նախագահի նստավայրում տեղի է ունեցել Հանրապետության տոնի առթիվ պետական պարգևների և կոչումների շնորհման արարողությունը: Գիտության, կրթության, առողջապահության, տնտեսության, արվեստի և մշակույթի, սպորտի ոլորտներում ունեցած վաստակի, արդյունավետ աշխատանքի, հայրենասիրության, անմնացորդ նվիրումի, հայրենիք-սփյուռք կապերի խորացման և ընդլայնման գործում ունեցած նշանակալի ավանդի համար Հանրապետության Նախագահը մի խումբ անձանց պարգևատրել է պետական բարձրագույն պարգևներով, շնորհել նաև պատվավոր կոչումներ:

Հայրենիք-սփյուռք կապերի ամրապնդման և զարգացման գործում ներդրած ավանդի համար Ամերիկայի Հայ Ավետարանչական ընկերակցության գործադիր տնօրեն Զավեն ԽԱՆՋՅԱՆԸ (ԱՄՆ) պարգևատրվել է Երախտագիտության մեդալով:

Նախագահ Սերժ Սարգսյանը շնորհավորել է պարգևատրվածներին Հանրապետության տոնի ու պետական բարձր պարգևների և կոչումների արժանանալու առթիվ:

Աղբյուրը՝ president.am