Նոյեմբերի 16 2017 Բաժինը՝ Լուրեր

Զավեն Խանջյանի ողջույնի խոսքը Վեհափառի հետ հանդիպման ընթացքում


2017 թ․ հոկտեմբեր-նոյեմբեր ամիսներին Ամենայն Հայոց Կաթողիկոսի ԱՄՆ Հայոց Արևմտյան Թեմ կատարած Հովվապետական այցի լույսի ներքո, Ամերիկայի Հայ Ավետարանչական ընկերակցության գործադիր տնօրեն Զավեն Խանջյանը հրավիրեց Վեհափառին հանդիպելու Միացյալ Նահանգներում Հայ Ավետարանական համայնքի եւ ԱՀԱԸ առաջնորդների հետ։

Վեհափառը սիրով ընդառաջեց, եւ ԱՄՆ Հայոց Արևմտյան Թեմը, համագործակցությամբ Ամերիկայի Հայ Ավետարանչական Ընկերակցության հետ, ծրագրեցին համատեղ ճաշկերույթ հինգշաբթի օրը` նոյեմբերի 2-ին, 2017 թ․։

Քալիֆորնիայի Բըրբենք բնակավայրում գտնվող ԱՄՆ Հայոց Արևմտյան Թեմի կենտրոնատեղիում կայացած ընդունելությունը հյուրընկալել էին Տեր եւ Տիկին Ալբերտ Բոյաջյանները։

Ամերիկայի Հայ Ավետարանչական ընկերակցությունը սիրով ողջունում է Վեհափառի հետ հանդիպումը:

Ստորեւ առաջարկում ենք կարդալ պրն Զավեն Խանջյանի ելույթը հանդիպման ընթացքում։

* * * * *

Վեհափառ Տէր՝ բարի եկաք:

Այս երեկոյ, եղբայրական սիրով եւ Քրիստոնէական ոգիով ջերմացած այս հանդիպման համար, խանդավառ եւ շնորհակալ ենք:

Հայկեան ցեղի զաւակներու միջեւ, քաղձրաբարոյ, յարգալից եւ սիրալիր յարաբերութիւններ ցուցանիշ են հասունութեան եւ քաղաքակրթութեան: Հրճուանքով եւ ոգեւորութեամբ կ'ողջունենք այդ ոգիին ներկայութիւնը այս երեկոյ եւ ձեր անհատական նպաստը այդ ոգիի ստեղծման մէջ:

Վեհափառ Տէր՝ բարի եկաք:

Այս երեկոյ, այս սրբազան երդիքի տակ մեզ հաւաքող նախախնամական կամքի իրագործման մէջ յատկապէս կ'ողջունենք եւ բարձր կը գնահատենք Հայաստանյայց Եկեղեցւոյ Ամերիկայի Արեւմտեան Թէմի առաջնորդ՝ Գերաշնորհ Յովնան Արք. Տէրտէրեանի դէրը: Այսօր, այս սրահին մէջ հաւաքուող Հայ Աւետարանական ընտրանին խորապէս կը գնահատէ Սրբազանի  պաշտօնակոչութեան երկունքէն իվեր անոր գաղութային եւ եկեղեցական համերաշխութիւնը երաշխաւորող եւ համագաղութային գործունէութեան սխրալից թափ տուող արժանաւոր եւ մեղուաջան դէրը, այս ափերուն յատկապէս եւ համազգային տեսադաշտին վրայ ընդհանրապէս:   

Վեհափառ Տէր՝ բարի եկաք:

Մեր հաւատքի ակունքները ամրակուռ կերպով խարսխուած են Էջմիածնի մէջ եւ կ'երկարին հոն՝ ուր մեր Փրկիչ Յիսուս Քրիստոսի հաւատաւոր աշակերտները անսալով տիրոջ պատուերին, աւետարանի բարի լուրը եւ Աստուածային շնորհքի փրկութեան լուսապայծառ աւետիսը տարածեցին աշխարհն Նայիրեան:   

Վեհափառ Տէր՝ բարի եկաք:

Աւետարանական համայնքը օտար արմատներ չճանչնար: Ան հաստատուած է Աստուածաշունջի եւ Հայ Եկեղեցւոյ հաստաբուն եւ հարազատ ծառին վրայ, որպէս կանաչ, ծաղկուն, պտղատու եւ կենսունակ ճիւղ մը հաւատարիմ իր արմատներուն եւ բունին: Անոր գիտակցութեան մէջ ղօղանջող հաստատ համոզումը այն է թէ իր արմատները ամռօրէն խարսխուած են հայ ժողովուրդի հոգեւոր օրրան Մայր Աթոռ Սուրբ Էջմիածնի մէջ:

Վեհափառ Տէր՝ բարի եկաք:

Դուք առանձին չէ որ կ՝այցելէք մեզ:

Ձեզմով եւ ձեր հետ մեր պատմութեան լուսաճաճանչ էջերէն մեզ կ'այցելեն՝

  • Միածնաէջքի վկայ եւ լուսոյ ճառագայթիչ՝ Գրիգոր Լուսաւորիչը
  • Աղօթքի եւ Աստուածապաշտութեան սրբաշուրթն երգիչ՝ Գրիգոր Նարեկացին
  • Քաղձրահնչիւն եւ Աստուածահաճոյ շարականներու երկնիչ՝ Ներսէս Շնորհալին
  • «Օշականի ամենսուրբ գերեզման»ի անմահ բնակիչ՝ Մեսրոպ Մաշտոցը

Վեհափառ Տէր՝ բարի եկաք:

Այսօր այս սրահին մէջ հաւաքաբար ձեզ կ'ողջունեն Աւետարանական համայնքի հոգեմտաւոր հսկաներ՝ Yale համալսարանի Դոկտորայի տիտղոսին արժանացող առաջին հայ շրջանաւարտ, Վեր. Արմենակ Հայկազեանի, Աւետարանչականի հիմնադիր եւ առաջին Վարիչ Քարտուղար, Վեր. Միհրան Գալայճեանի, Մուսա Լեռան դիւցազնութեան հերոս, Վեր. Տիգրան Անդրեասեանի, ցեղասպանութենէ ճողոպրած հազարաւոր որբերու փրկիչ հայրիկ՝ Վեր. Ահարոն Շիրաճեանի, Ամերիկահայ մտաւորական, պատմագէտ, բեղուն գրչի տէր, հրապարախօս, խմբագիր, տասնամեակներու վրայ երկարած «Հայաստանի Կոչնակ» ի հրատարակիչ, Աւետարանչականի հիմնադիր եւ Վարիչ Քարտուղար Վեր. Ա. Ա. Պետիկեանի, պատմաբան, բանասէր, աստուածաբան, Վեր. Եղիա Քասունիի, Ամերիկահայ գիտնական, դասախօս, Հայաստանի Ամերիկեան Համալսարանի հիմնադիր եւ պատուայ նախագահ, Դոկտ. Միհրան Աղպապեանի եւ տակաւին Վեր. Յովհաննէս Ահարոնեանի, Պարգեւ Տարաքճեանի, Վահան Թութիկեանի, Դոկտ. Երուանդ Քասունիի, Ժիլպէր Պիլեզիքճեանի, Ճան Մարգարեանի եւ տակաւին հոյլ մը հսկաներու հաւատաւոր ժառանգորդները որոնք՝ վերոյիշեալներու նման կը մնան ազգային, եկեղեցական, կրթական, մշակութային, աստուածաբանական, գիտական, բժշկական, գաղութային եւ այլ համամարդկային ծառայութիւններու բարձր պատուանդանին վրայ:

Վեհափառ Տէր՝ բարի եկաք:

Մեր սրտագին մաղթանքն եւ աղօթքն է որ Աւետարանական Եկեղեցին եւ Աւետարանչականը, գիտակից եւ հաւատարիմ իրենց առաքելութեան, կանգնելով դարաւոր Մայր Եկեղեցիի կողքին, շարունակեն տարածել Աստուծոյ խօսքը, բաժնել Քրիստոսի բարի լուրը եւ հաւատքի ակունքներուն առաջնորդել հայ անհատը:

Այսօր՝ աւելի քան երբեք, նորոգուած խինդով եւ լարուած հաւատքով միասնաբար պարտինք դիմագրաւել ապագան, անխախտ յանձնարութեամբ եւ պինդ կամքով իրագործելու՝ աւելի փայլուն ապագայի եւ հզօր հայրենիքի մը տենչացող մեր ժողովուրդի տեսլականը:

Մեր կրկնակի եւ հաւաքական մաղթանքն ու աղօթքն է որ Տէրը օրհնէ Հայաստանյայց Առաքելական Մայր Եկեղեցին, Մայր Աթոռ Սուրբ Էջմիածինը, իր յաւիտենական լոյսով ողողէ ձեր պայծառամտութիւնը, ի Փառս Աստուծոյ եւ մեր ժողովուրդի բարօրութեան:

Վեհափառ Տէր՝ բարի եկաք:

Նոյեմբեր 2, 2017

* * * * *