Այսօր ԱՀԱԸ գործադիր տնօրեն Զավեն Խանջյանը, ինչպես նաև Հայաստանի և Արցախի մասնաճյուղերի ներկայացուցիչներն այցելեցին Ստեփանակերտի Եղբայրական գերեզմանոց: Զինվորական պանթեոնում նրանք հարգանքի տուրք մատուցեցին անմահ հայորդիների հիշատակին:
Մասունք դարձած Արցախն այսօր ապրում է հավերժի ճամփան բռնած իր զավակների շնորհիվ: Նրանց սերն առ հայրենիք շահ չճանաչեց առավել, քան գիտակցված մահը: Նրանք ապրում են, կան… քանի հիշում ենք նրանց սխրանքները:
Հավերժի ճամփորդներ, ննջեք խաղաղությամբ: Աստված լույսերի մեջ պահի ձեր հոգիները: Ձեր չապրած գարուններով թող գարնանանան մեր հայրենիքն ու գալիք սերունդները:
Խոնարհվում ենք…
