Փնտրում ենք սոցիալական աշխատող

Վայրը՝
ՀՀ, Լոռու մարզ, ք. Վանաձոր

Հայտարարությունը բաց է՝ սկսած 27.01.2022-ից
Դիմելու վերջնաժամկետ՝ 15.02.2022

Ամերիկայի Հայ Ավետարանչական ընկերակցությունը (AMAA) հայտարարում է մրցույթ սոցիալական աշխատողի հաստիքի համար՝ Վանաձորի իր գրասենյակի ցերեկային կենտրոնում եւ հովանավորության ծրագրում աշխատելու նպատակով:

1991թ. AMAA-ի Հայաստանի մասնաճյուղն սկսեց Երեխաների հովանավորության ծրագիրը` Հայաստանում դժվար իրավիճակում հայտնված երեխաներին եւ նրանց ընտանիքներին կանոնավոր կերպով օգնելու նպատակով: Ծրագիրը սկսվեց ընդամենը 37 երեխաների հովանավորությունից: Տարիների ընթացքում, ինչպես Հայաստանում, այնպես էլ Արցախում հովանավորված երեխաների թիվը հասավ շուրջ 2000-ի:

AMAA-ն սոցիալական աշխատողների միջոցով հովանավորված երեխաներին եւ նրանց ընտանիքներին տրամադրում է բազմակողմանի աջակցություն (առավել մանրամասն՝ Երեխաների հովանավորության ծրագիր էջում)։

Այսօր AMAA-ն արդեն ունի 8 կրթադաստիարակչական ցերեկային կենտրոն Երեւանում, Վանաձորում, Ալավերդիում, Գորիսում, Սիսիանում, Վարդենիսում, Դիլիջանում եւ Նոյեմբերյանում, որտեղ կրթական, քրիստոնեական դաստիարակության եւ երեխաների անձնային աճին ուղղված ծառայություններ են մատուցվում շուրջ 200 դպրոցահասակ երեխաների:

(Ավելի մանրամասն՝ Կրթադաստիարակչական կենտրոններ էջում)

Սոցիալական աշխատողը ծառայություններ է մատուցելու ինչպես ցերեկային կենտրոնում, այնպես էլ հովանավորության ծրագրում:

ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ

• Ցերեկային կենտրոնի յուրաքանչյուր երեխայի համար անհատական զարգացման փաթեթի կազմում եւ դեպքի վարում:
• Ցերեկային կենտրոնի երեխաների եւ ծնողների հետ խմբային եւ անհատական հանդիպումների իրականացում:
• Ցերեկային կենտրոնների երեխաների կարողությունների, հնարավորությունների ուսումնասիրություն, երեխայի ունակությունների բացահայտում, օժանդակում դրանց իրացմանը:
• Անհրաժեշտ (ամսական, կիսամյակային եւ այլ) հաշվետվությունների կազմում
• Հովանավորված անձանց ընտանիքների պարբերական այցելություններ
• Հովանավորված երեխայի անմիջական կարիքների բացահայտում եւ ընտանիքի հետ լուծումների փնտրման համատեղ աշխատանք
• Տվյալ շրջանի հովանավորված երեխաների տարեկան նամակների հավաքում
• Տվյալ շրջանի հովանավորված երեխաների տվյալների ամենամյա ստուգում, թարմացում
• Կենտրոնական գրասենյակին տեղեկատվության ճշգրիտ եւ ժամանակին տրամադրում
• Կազմակերպության կողմից կազմակերպված միջոցառումներին տվյալ շրջանի հովանավորված երեխաների մասնակցության կազմակերպում եւ հսկում
• Գրասենյակի պատասխանատուի հանձնարարությամբ այլ ադմինիստրատիվ աշխատանք

ԱՆՁՆԱԿԱՆ ՀԱՏԿԱՆԻՇՆԵՐ

• ​Ազնվության, վստահելիության, նվիրվածության եւ խանդավառությամբ աշխատելու անձնային բարձր հատկանիշներ, որոնք կծառայեն ծրագրի առաքելության իրականացմանը
• ​Խմբում աշխատելու եւ համագործակցության գերազանց հմտություններ
• ​Անվերապահ դրական վերաբերմունք շահառուների նկատմամբ
• ​Բարդ իրավիճակներում արագ կողմնորոշում
• ​Նվիրվածություն քրիստոնեական սկզբունքներին եւ արժեքներին
• ​Մարդկային եւ հատկապես երեխայի հոգեբանությունը հասկանալու կարողություն
• ​Հաղորդակցման հմտություններ
• ​Աշխատասիրություն, նվիրվածություն եւ սրտացավություն
• ​Միջանձնային լավ հարաբերություններ կառուցելու հմտություններ
• ​Վստահելիություն
• ​Նախաձեռնելու կարողություն
• ​Գաղտնապահություն
• ​Ինքնավստահություն
• ​Նպատակամղվածություն ինքնազարգացման գործում
• ​Նվիրվածություն AMAA-ի սկզբունքներին

Ցանկացողները կարող են ուղարկել իրենց CV-ն astghik.hovhannisyan@amaa.am, christina.simonyan@amaa.am եւ janna.danielyan@amaa.am էլեկտրոնային հասցեներին:

Թեկնածուների կարճ ցուցակի հիման վրա, դիմողները կհրավիրվեն հարցազրույցի: