Ամերիկայի Հայ Ավետարանչական ընկերակցության (AMAA) Հայաստանի մասնաճյուղը փնտրում է հոգեբան՝ AMAA-ի Վարդենիսի «Շող» համայնքահեն ցերեկային կենտրոնի թիմը համալրելու նպատակով։
Աշխատավայր՝ ք. Վարդենիս, Խ. Ստեփանյան 15/1։
Աշխատանքային ժամեր՝ երկուշաբթիից ուրբաթ, ժ. 9.00-17.00։
Դիմելու վերջնաժամկետ՝ օգոստոսի 18, 2025 թ.։
Աշխատավարձ՝ մրցունակ, կախված հմտություններից եւ աշխատանքային փորձից։
Աշխատանքի նկարագրություն
Հոգեբանը աշխատում է կենտրոնի շահառուների հետ՝ տրամադրելով հոգեբանական աջակցություն, խորհրդատվություն և անհրաժեշտության դեպքում՝ միջամտության ծրագրեր՝ նպաստելով նրանց հոգեկան առողջության բարելավմանը և կյանքի որակի բարձրացմանը։ Հոգեբանի պարտականությունն է իրականացնել հոգեբանական աջակցություն, երեխաների աջակցություն, հոգեկան առողջության խթանման աշխատանքներ:
Հոգեբանը անմիջապես հաշվետու է կենտրոնի համակարգողին:
Աշխատանքային պարտականություններ
- Ծրագրում ներգրավված շահառու ընտանիքների հոգեբանական հիմնախնդիրների բացահայտում համապատասխան թեստերի և դիտարկումների միջոցով:
- Հոգեբանական հիմնախնդիրների ուսումնասիրության հիման վրա յուրաքանչյուր երեխայի, անհրաժեշտության դեպքում նաև ծնողի հետ աշխատանքի նախնական ծրագրի կազմում, ներկայացում թիմային քննարկմանը:
- Հոգեբանական հիմնախնդիրների լուծման համար շահառու երեխաների և ընտանիքի առանձին անդամների հոգեբանական հիմնախնդիրների ուսումնասիրություն, դրանց դուրս բերում, դուրս բերված հմնախնդիրների հետ աշխատանքի մեթոդիկայի մշակում և իրականացում։
- Աշխատանք շահառու երեխայի կամ ծնողի հետ բացայատած հոգեբանական հիմնախնդրի լուծման նպատակով, որը ենթադրում է տվյալ պահի հոգեբանական վիճակի գնահատում
- Անհատական հոգեբանական խորհրդատվություն
- Անհատական հոգեթերապիա
- Մանկական հոգեթերապիա և հոգեշտկիչ աշխատանք:
- Անհրաժեշտության դեպքում համապատասխան հաստատություն կամ մասնագետի մոտ ուղղորդում:
- Հայտնաբերված հիմնախնդիրների վերլուծություն, դասակարգում, դրանց լուծմանն ուղղված գործողությունների, համատեղ միջոցառումների, առաջարկությունների մշակում, ներկայացում թիմային քննարկմանը:
- Յուրաքանչյուր երեխայի համար անհատական փաստաթղթերի փաթեթի կազմում և պարբերական վերանայում:
- Երեխայի կամ ծնողի հետ ընթացիկ աշխատանքի արձանագրում, համակարգչային տեղեկատվական բազայի մեջ գրանցում:
- Երեխաների և ծնողների հետ խմբային հանդիպումների իրականցում և համապատասխան գրառումների ապահովում:
- Երեխաների և ծնողների հետ անհատական հանդիպումների իրականցում և համապատասխան գրառումների ապահովում:
- Մասնակցություն թիմային քննարկումներին:
- Համապատասխան հաշվետվությունների կազմում:
- Ընտանիքների հետ ծրագրված աշխատանքի ավարտին արդյունքների վերլուծություն, ընդհանրացում, համապատասխան առաջարկություններով եզրակացության կազմում և ներկայացում կենտրոնի համակարգողին:
- Մասնակցություն կենտրոնի աշխատակազմի հետ տարեկան աշխատանքային պլաններ կազմելուն:
Անհրաժեշտ հմտություններ
- Բարձրագույն մասնագիտական կրթություն (հոգեբանության ոլորտի)
- 1 տարվա աշխատանքային փորձ՝ հոգեբանության ոլորտում
- Լավ հաղորդակցման և միջանձնային հմտություններ։
- Համբերություն, փոխազդելու ունակություն տարբեր խոցելի խմբերի հետ (աղքատություն, երեխաներ և այլն)։
- Հայերենի գերազանց իմացություն, ռուսերենի և/կամ անգլերենի իմացությունը ցանկալի է։
- Համակարգչային հմտություններ (MS Office, էլ․փոստ, տվյալների բազաների հետ աշխատանք)։
Անձնային հատկանիշներ
- Ազնվություն և վստահելիություն
- Խանդավառություն
- Աշխատասիրություն, նվիրվածություն և սրտացավություն
- Արդյունավետություն, արագ աշխատելու կարողություն
- Բազմաբնույթ առաջադրանքների մեջ հմուտ կողմնորոշում (multitasking)
- Խմբում աշխատելու և համագործակցության գերազանց հմտություններ
- Անվերապահ դրական վերաբերմունք գործընկերների նկատմամբ
- Հաղորդակցման և միջանձնային լավ հարաբերություններ կառուցելու հմտություններ
- Նախաձեռնելու կարողություն
Հետաքրքրված թեկնածուներին խնդրում ենք CV-ն ուղարկել hr@amaa.am հասցեին և առարկա դաշտում նշել հաստիքի անվանումը:
ՄԻԱՑԻ՛Ր ՄԵՐ ԹԻՄԻՆ
AMAA-ն հիմնադրվել է որպես շահույթ չհետապնդող բարեգործական կազմակերպություն 1918 թ., ԱՄՆ Մասաչուսեթս նահանգի Ուստր քաղաքում: AMAA-ն նվիրված է մարդկանց հոգեւոր եւ ֆիզիկական կարիքներն սպասարկելուն ամենուր՝ ինչպես հայրենիքում, այնպես էլ արտերկրում: Իր համաշխարհային առաքելությունն իրականացնելու համար AMAA-ն գործում է, ֆինանսավորում կամ աջակցում է մի շարք կրթական, մարդասիրական օգնության, համայնքների զարգացման, սոցիալական ծառայությունների, առողջապահության, երեխաների խնամքի եւ այլ ծրագրերի, աշխարհի 24 երկրներում:
