Արդեն 10 տարի է, ինչ ամբողջ աշխարհում Նոյեմբերի 8-ը նշվում է՝ որպես Ռադիոլոգիայի միջազգային օր, որը ռադիոլոգների, ռադիոգրաֆիստների, ճառագայթային տեխնոլոգների և հարակից ոլորտների մասնագետների տոնն է (IDoR 2021): (ավելին …)
Ֆրէզնոյի մէջ կայացող Ամերիկայի Հայ Աւետարանչական Ընկերակցութեան 102րդ Տարժողովի օրերու կարեւորագոյն իրադարձութիւններէն մէկը Շաբաթ, Հոկտ. 1-ի երեկոյան տեղի ունեցող ճաշկերոյթն էր նուիրուած Արցախի Հանրապետութեան՝ տեղւոյն Առաջին Հայ Երիցական Եկեղեցիին մէջ։ (ավելին …)
Արցախի ապագան յուրաքանչյուրիս ձեռքերում է. ամենքս անելիք ունենք։ Մեզնից և մեր գործերից է կախված Արցախի վաղվա օրը։ Բազում արհավիրքներից հետո, Արցախը շարունակում է ոտքի կանգնել և ապրել։ Առաջնահերթ է Արցախի համայնքների զարգացումը և սահմանամերձ գյուղերում բնականոն կյանքին վերադառնալու խնդիրը։ (ավելին …)
Սեպտեմբերի 22-ին AMAA-ի նախաձեռնությամբ Գեղարքունիքի մարզի Գեղամասար խոշորացված համայնքի Սոթք և հարակից 2 գյուղերի 80 բնակիչ վայելեց դասական, ժողովրդական և հայտնի էստրադային երգերի հրաշալի մի համերգ՝ Ալ. Սպենդիարյանի անվան օպերայի եւ բալետի ազգային-ակադեմիական թատրոնի մեներգիչներ Վարսենիկ Ավանյանի (մեցցո սոպրանո), Սյուզի Մելքոնյանի (սոպրանո), Արմեն Բադալյանի (տենոր) և երգչուհի Նարե Այվազյանի (սոպրանո) անզուգական կատարումներով: Համերգին մասնակցում էր նաև օպերային թատրոնի կոնցերտմայստեր Վասիլի Ռոլիչը: Միջոցառումը վարում էր AMAA-ի մամուլի քարտուղար Անդրանիկ Մարդոյանը, ով նույնպես հանդիսատեսին նվիրեց իր գեղեցիկ կատարումները՝ բոլորի կողմից սիրված երգերի շարքից: (ավելին …)
ԵՐԵՎԱՆ — Սեպտեմբերի 17-ին «Հայաստանի մանուկներ» բարեգործական հիմնադրամը (ՔՈԱՖ) և Ամերիկայի Հայ Ավետարանչական ընկերակցության (ԱՄԱԱ) Հայաստանի մասնաճյուղը չորսամյա փոխըմբռնման հուշագիր ստորագրեցին Լոռու մարզի 6 համայնքներում (Վահագնի, Եղեգնուտ, Դսեղ, Դեբետ, Չկալով, Ձորագյուղ) կաթնամթերքի արտադրությունը բարելավելու և ընդլայնելու նպատակով։
Բարելավելով արոտավայրերը և անասնակերի արտադրությունը մարզում՝ նախագիծը նպատակ ունի նպաստելու բարձրորակ և բարձրարժեք կաթի արտադրության աճին՝ արտադրությունից մինչև շուկա, ինչպես նաև ապահովելու արժեշղթայի կայունություն և գյուղական բնակավայրերի համար կայուն եկամուտներ։ (ավելին …)
Ծաղիկներ անմար կրակի մոտ՝ ի հիշատակ Մերձավոր Արևելքի մեծանուն հայ մանկավարժի մահվան 100-րդ տարելիցի:
Հետո Ծիծեռնակաբերդի բարձունքին հնչում են այն տողերը, որոնք երգելով մահացել է Արմենակ Հայկազյանը: Նրա անունով է կոչվում սփյուռքի միակ բարձրագույն ուսումնական հաստատությունը՝ Բեյրութի Հայկազյան համալսարանը:
Մանկավարժի մահվան 100-րդ տարելիցին Հայկազյան համալսարանի նախագահն ու տարբեր տարիների շրջանավարտները Հայոց ցեղասպանության թանգարան- ինստիտուտում ներկայացնում են գիտնականի գործունեությունը, հայապահպանության գործում ներդրած ջանքերը: Կարևոր ուղերձը, որ թողել է Արմենակ Հայկազյանը՝ հայը պետք է լինի լավագույնը՝ անկախ գտնվելու վայրից, և ծառայի Հայրենիքին՝ անկախ դժվարություններից:
